"Ne pas oublier que vous êtes responsable de vos écrits. Le blog est peut être un espace de liberté, mais le respect des uns et des autres doit toujours être présent"

lundi 15 décembre 2014

PROGRAMME DE LA SEMAINE DE PRIERE

Bozu së, eni Dikona Katreie a italofa madrine me nyipunie itre trejine ngöne la madra me thei Keriso. Hane hi lai programme ne hmilapa nge catre pi së troa isa huliwane la itre drai ne Hmilapa. Oleti .
Joyeux Noel et bonne et heureuse année 2015 koi nyipunie itre trejine me ite nekö hun ka mele e Nouméa maine ecailo fene hnengödrai, ka tha ijije kö troa hane sine la hmilapa së ecelë ngöne la hunahmi ngo hane jë sine la hmilapa ngöne la lue paroisse Mt Ravel me Vieux Temple koi ite ka mele e Nouméa.
Drikona Katrei


DRAI  HNAPAN  -    VENDREDI  26   DECEMBRE    2014
1er      JOUR   :       KOLA  QEJE  PENGÖN  
TANE  LA   DRAI   : TRO  HUNI  A  TRONGËNE E    SAMARIA  

ITE   TUS :
          Genese   24 -  10  -   33 :   Aberahama   me    Rebeka  ezine  la  timi  qea  (  13  )
           Salamo  42 /  1  à  12   Kola  manoxötö   la  aila  kowe  la  ite  di  (  1 a  )
          2 Korinito   8 /  1 à 7    La  ihnimi  tejine  ne  la  Ekalesia   e  Makedonia  (  5  )
          Ioane 4  /  1 à  4     Ame  hnei  nyidëti  hna  nue pe  e  Iuda  me  tro  hmaca  Galilaia eë ( 3 )

Nyine  atrotrohninëne : 

Hnei Iesu  me  angetedeng   hna  nue  pe  e Iuda  me  hmaca  Galilaia    .
Ame   Samaria  eje  e  nyipine  la lue  xa  nöj  ,  nyimute  la   ite  hna qaja   koi  Iuda  me  Samaria  .
Ngöne  la  nöje  e  Samaria   kola  cemel  hnene  la  ite  atr  ka  isa  pengöne  me   ite  hmi   ka  nyimutre  ,  hnene  la  aqane   cemel   cili  hna  qeje  engazone  la  nöje   .
Tha  hna  majemine     troa xome   la  ite  gojenye  cili  ,  matre  tha  tro    a  tro  nyipine  la  nöj   e  Samaria   .
Nemene   la  aliene   la   hnaewekë   cili :  «  Tro   hunia  tro  nyipine  e  Samaria  »   jëne la  easë  e  la  Evangelia   i  Ioane ,  ceitu  me  ketre  hnying  ne  aqane  lapa  ne la  nöj   ,  nge  e  cili  kola  mama  la  aja  i  Iesu :    «   Jëne  la  troa  gojenye   Samaria     »  tre  nyine   qaja  nge  ka  nyipiewekë  troa   tro   matre  ixelë  memine  la  ketre  ,  lo  atr  ka  ketre   pengöne  me   hna  goeëne  ceitu   me  ite  ka  troa  angazone   la  nöj  ..
Ame   la  jol  ka  eje  thene  la  angete  Iuda  me  angete   Samaria   tre  hna  mele  hnine  la  ite  macatre  ka  nyimutre  .
Hnene  la  angete  Samaria   hna  apatrene   la  iothekeu  ne  la   hna  nyijoxu ,   ngo  ewekë  lai  hna  pune  kuca  ngöne  la  nöjei  macate  e   Ierusalema  .  1  ite Joxu   12     .
Maine   hnene  la  angete   Asuria  hna  löthe  la  traone  e  Samaria   , cememine   la  ka  alanyimu 
matre  mele  e cili  ,  nge  e  cili   la  qane  la  ite  nöje   trehnyiwa  ,  nge  isa  hetrenye   la  ite   haze  i  angatr   (   2  ite  Joxu   17 :  24  à  34   ) .                                                                                                Qangöne  la  ijine  cili   ame  angete  Samaria   kowe   la  angete  Iuda   ,  tre  ceitu   me  ketre   nöje  kola   ithikeu   la  nöjei   pengöne  atr  me   nöj  ka  pui  ngazo .
Ngöne   la  Evangelia   hna  cinyihane   hnei   Ioane  hnene   la  angete Iuda  hna  qanangazo  Iesu  me  hape   :  Hapeu   tha  hne  huni  hna  qaja anyipicine   laka  ,  ate   Samaria eö  , nge  thei  ö  la  demoni
(  Ioane  8  /  48  )  .
Ame   thene   la   angete  Samaria  jol  koi  angatre  troa  kapa  la  angete  Iuda  ,  ke  tha  ite  treme   sinene    angete  Iuda   me  angete  Samaria   .  (  Ioane  4 / 9  pune  ) 
Hnene   la ite   akötr  ka  eköqa   hna   mama  ngöne  la  macatre  128  qëmekene   la  traqa  i  Iesu, jëne  la   Joxu  atre   Iuda   Jean   Hyrcanus  ,  hna  amekötine hnei  nyidë  troa  thëtrij  la  Eneti  Hmitötr  hna  xupe   hnene  la  angete  Samaria ngöne  la  wet  e  Korazin , thenge  la  aqane  amamane   hnei Luka , ngo  ame  la  hna  qaja  cili  tre  tha  eje  hmekuj  , ke xele      la  angete  Samaria   ma  kepe  Iesu ,  pine  laka   nyidë   a  gojenye  Iuda       ..
Tusi   Ioane   a   qeje  pengöne  hnyawan :   Hnei  Iesu  hna  tro  nyipine  e  Samaria  ,   ajai  nyidë  troa 
elë  sasaithe  la  ite  hage  ne  la   sipu nöjei   nyidë ..
Matre  nyine  amamane  koi     laka  e  tro    a  nuetrij  la ite  atr  ka  isa  pengöne  me  easë ,  nge   e tha  melëne      la  imelekeu  memine  la  ite  atr   ka  ceitu   me  easë ,   kola   mama   laka  hnëqa     lai  e  hnine   la melene       ewekë  ..
Jëne   la  tro     a   ithanata  me  ixelë  memine  la  ite  atr  ka  isa  pengöne me  easë  ,  e  cili   la  tro
    akökötr   ..  

ITE  HNYING    :
   
1.   Koi  eni  memine   la  lapakacahae   ka  lapaune  ,  Nemene  la  aliene «   Troa  trongëne   la  Samaria   » ?  .
 
2.   Nemene   la  ewekë  hnene   la  EgLise  hna  kuca   matre  ixelë  memine   la  ite  xa  ekalesia  ,  nge    nemen  la  ite  ini  tro  la  ite  ekalesia   a xome  qangöne ?  . 


THITH :
 
Akötesie   ne   la  nöjei   nöj   
Ini  hun  troa  trongëne   la   Samaria
Matre  ixelë  memine  la   ite  xa  tejine  ne  la ite  xa  hmi ! 
Huliwa hun   matre   tro  la  ite  wenethëhmi   hun  a   atreine   kapa 
Matre    ini   kowe  la   ite   Ekalesia  me  ite  qenenöj 
Enëtilai  la  qeqe  ne  cas 
Hamë  huni   la  cas   lo  hnei  Keriso  hna  ajan the  hun  

                                                  ……  Amen    …….   
   
      DRAI  HNALUEN     SAMEDI  27   DECEMBRE     2014   
2ème    JOUR    :    KOLA   QAJA  AMAMAN  . 
TANE   :    KUCAKUCA  HA  HNA  TRO  ,    IESU  A  LAPA  HUN  LA   AN  (   Ioane 4 /6   )
ITE  TUS   :                                                                                                                      
                                      
     Genese   29  /  1  à  14   :  «   Iakobo  me  Lea  ezin  la  ulane   la  tim   (  10 )
     Salamo  137  :   Tro  huni  a  nyimane  tuneka  la   nyima  i  Iehova  ngöne   la   ifekë   zin ! ( 4)
     1 Korinito   1 : 10  à  18  -  Atrei    Paulo  ni   ,  nge   atrei  Apolo   ni   (xötre  12 ) 
      Ioane   4 :   5- 6   -  Kucakuca  ha   Iesu  hnene   la  gojenye  ( xötre  6 pune )  

NYINE  ATROTROHNINËNE   : 

Qëmekene   la  ixelë  i  Iesu  memine  la  föe  ne  Samaria    ,  qai  nyidëti  Iuda  .
Hnene   la  ite  faresaio   hna  qaja  ka  hape   alanyimu    la  ite  atr  hna  bapataisone  hnei  Iesu hui  Ioane  bapataiso  .
Hnene  la  ite  jol  cili   hna    azikozikone  la   melei nyidë  celë  hi  kepine  ,  matre  Iesu   a  xome hmaca     la  Gojenye  . 
Traqa  ha  nyidë  ngöne   la  tim ,  kucakuca  ha  hnene  la  gojenye ,  Iesu   a  pane  cil  ,  ite  kucakuca  hna  jëne  la  ite   mejen  hnei  nyidë   hna  kapa  ,  celë  hi  matre  nyidëti  a  pane  mano  ,     e  cili  föe ne  Samaria  a  easenyine   la   tim  matre   troa  tha  la  an  ,  ame  la  ixelë   cili  tre  ej  ngöne   an i  Iakobo : Göhnë  ka tru   aliene   me  qeqe  ne  mel  ne  la  nöjei   nöj  .
Ame  la  ikelikelë  ne  la  föe ne  Samaria  me  Iesu  ,  tre  ej  ngöne  la göhnene  göi  troa  atrune  , hapeu  ngöne   la   wet  maine  e   Ierusalema  thenge  la   sipo  ne  la  föe  ne  samaria , öni  Iesu : 
Tha  eje    ngöne  la  wete  celë  , nge  pëkö  e  Ierusalema  ,  ngo   tro ha  traqa  la ijine  ,  nge  deihë  la  , e  tro   la  nöjei  atr   a  nyipihmi  a  hmi  kowe  la  Tetetro   , ngöne   la  U   me    Nyipici  , ke  Tetetroti   a   ajane   la  ite   ka  tunelai  troa  hmi  koi  nyidë  (  Ioane  4 :   21me   23   )  .
Enehila   thele    pe    la  ite  ewekë  ka  troa  acasi     ,  tha  tro    la  ite  aqane  hmi     me me  ite  ixele  ma  wai   a  ajolëne  la  imelekeu së    hnine  la  ite    Ekalesia  .
Ame  e  Bresil  ngöne  la  ite  macatre  ka  ase hë  ,  hnene   la  ite   xa  lapakacahae   hna  amamane  la  ite   aqane   melën  angatr   la  hmi  angatr  ,  matre ielene la  ite  xa  atr  troa   cehmi  me  angatr  .
Hnene   la  ite  xa  ekalesia  hna  mekune  laka   maine  kola  kökötr   me  hetre   mene  , ke  ame  angatr    ,  angatr   la  easenyi  catr  koi  Akötesie  me  hape  angatre  hi  la  angete  nyipi  hmi  . 
Ngo  tha  hna  acilëne    hnei    angatr   la ite   icilekeu  ,  nge  pëkö   metrötr  i  angatr  kowe   la  ite  xa  hmi  me   ite  xa  aqane  hmi   . 
Ame  ite  aqane  huliwa  ka  tune  kola  hnahone  la  imethinë   thene  la  ite  ekalesia  memine  la  aqane   tro    a   ce  thele  ewekë  hnine  la  nöj  .
Maine  kola  kökötr  la  ketre  ekalesia   ,  angeice  hi  lai  hne    hna    troa   icilekeu   memine me  hne    hna  troa   ngane  . 
 Drei  la  angete  nyipi  hmi  ,   ame   angete  nyipi  hmi  ,   hnauëne    laka  tha  hamëne    angatr  la  ka  nyipiewekë :    la   kaloi  me  ka  tha loi    ,  matre   angazone   la  lapaune    .
Nyipi  ewekë   koi    la  Timi   qea  (  Puits )    matre   easenyine  me   amano    ,  matre  troa   apatrene   la  itre  icilekeu   me  isi   .
Nyipiewekë  koi    troa   hetre  göhnë   matre  ini     laka  ame    angete  nyipi  hmi  , troa  hmi  ngöne    la   Ua   me   Nyipici                        


Ite  hnying : 
 
1.     Nemene la  ite  sipu  alien  la  ce  isi    hnine   la  ite  ekalesia

2.     Hapeu  ijije     troa  öhn  la  ketre  tim  ka  cas   ,  matre  ijiji    troa  easenyine   me  amanone  la  ite  icilekeu    me  ixele  ma  wai  .

Thith :    

Akötesie   katru  ihnimine 
Itre  xa  ijine  hnene  la  ite   ekelesia   hun hna  iëne   la   ite   xa   aqane  huliwa    
Menu hë  hun  ,  pitru  la  atre  hamë hun   la  ngazo  
Eahuni  e  celë  thenge  la  aja  laka   eahuni  la  ite  hnapan 
Amanonyi  hun    ezine   la  tim 
Thueime  hun    la  tim  kacas  matre  qeqe  ngöne  la  thithi  ka  cas   .
Epi  tro  la  Ua  i  cilie   atre   jöeë  hune  la  hnagejë   a  acasi hun  hnine   la  isa   pengö  hun .

                                                                …..  Amen   ….. 

DRAI  HNAKÖNINE           SABATH   28  DECEMBRE    2014  
3ème     JOUR :   KOLA   QAJA   AMAMANE       

TANE NE  LA  DRAI  :   PËKÖ  FÖENG  (  Ioane   4 / 17  ) 

ITE  TUS   : 

2 Ite   Joxu   17   /  24  à  34 :  Hna  thapa  la   Samaria  hnei  angete   Asuria    ( 27 ) 
Salamo  139  / 1  à  12   : Joxu   fe  hnei   Cilieti  hna  thelethele  ni   me  atrehmeknyi  ni   (   x  1  )
Roma  7 /  1 à  4   :   Meci    nyipunie  kowe  la  Wathebo  hnene  la  ngönetrei  Keriso 
Ioane   4  /  16  à  19 :  Pëkö   föeng  

NYINE   ATROTROHNINËNE :
   
Önine  la  föe  ne  Samaria  koi  Iesu : «   pëkö  föeng  »  ame  la  ixelë  cili    ejë    ngöne  la  melene  la  föe  celë ,  hna  aceitunëne  memine  la  ewekë  ka  pëkö  alien  hnine  ithanata  qangöne   la  tim  kowe  la  föene   ne  la  föe  .
Nemene  la  jol  hna  ixelë  hnene  la  föe ?  Hapeu  hnene   la  ite  trahmanye  hna  sipone  la  sei  hna  cil ? .
Hapeu   kola  melene  sine föe ?  Hapeu    hetrenyi      la  ite  nekönatr  ?
Hnine  la  easë  e  la  ite hna  cinyihane   ,  ite  hnying  a  xulu    qangöne  la  Ua  .
Ngöne  hi lai  kola  mama  laka  ame  Iesu    hetre   ketre  aqane  göeëne    hnei  Iesu kowe  la   melene  la  föe  celë :  nyidë a   atrehmekune  la  melene  ne  la  föe  ,  ngo  hna  kepe  angeic  , matre  tro  la  ixelë  cili  a  ketre  ixelë  ka  nyipiewekë  . 
Iesu   a   ielene  la  föe  jëne  la  ite  ini   hna  kapa  ,  matre  tro  xomi  angeic  kowe  la  hna  thatre  ,e  cili   kola  xome  ujëne  la  aqane  melei  angeic  koi  Iesu  .
Ame  ite  jol  atre  isane  la  ite  pengöne qenenöj  me  hmi ,  tre   eje  e  tröne  la  aja , matre  nuejëne  la  ewekë   ka  sipu  nyipiewekë :   ixelë  hna  acatrene  ngöne  la  mejiune  .
Ngöne  la  ijine  cili  jëne  la  aqane  ujë  i  Iesu  ,  nyidë  a  hamëne  me  fe  gojenyine  koi     la  itre xa  aqane   mel ,  matre  tro    a  isa  hnying :  nge  qangöne la  ite  hnying  cili  ,  kola  ini    matre  tha tro    a  wangacone  me  qanangazone  la  ite  föe  , ite   hnying  hnine  la  isa  pengö    atre  ajolë    hnine  la  gojenyine  cas  ,  cas  hne    hna  thel  me  hne    hna  troa  thithi  kow  . 


Itre  Hnying :

1 .  Hnine  la  ite  lapakacahae    , hetrenyi     la  ite  jol  atre  enijëne la  itre  luemeke së ?

2 .  Hetre  göhnene    me  hnëqa  ne  la  ite  föe  hnine  la  ite  ekalesia ?

3 .  Nemene  la  nyine  troa  kuca  hnene  la  itre  ekalesia  matre   troa  thuemacanyine  me  ngane  la  ite  icilekeu  ,  ke  hna  thahluëne  la  ite  föe  me  ite   neköjajinye ? 

Thith : 
Enëtilai  e  hune  la nöjei  ewekë  asë  ,  ijiji  huni    troa  qaja  amamane 
Nemene  la  hnaewekë  tro  hunia  nyimane   me  nyine  tro  hunia  qaja
Tro  hunia  goeëne  tuneka  la  Ua  i cilie ,  ke  thatreine     qeje  pengöne  hnei  ua  ka  inamacan ?
Cilieti    la  Joxu  hna  thatreine   qeje  pengöne ,  lo  atre  xupe  la  nöjei  ewekë asë  hnei  tengewekë  .
Cilieti     lo  Joxu   hna  thatre ,  atre  xupe  la  nöjei  hna  xupe  asë ,  hnei  wangatrehmekune   . «   Amen  »  ..


DRAI  HNAEKENE        LUNDI   29   DECEMBRE   2014
4ème    JOUR     :      KOLA  XELENE  
TANE :     AME  HNEI  FÖE  HNA  AMË  PE  LA  GE  I  NYIDRO   ( Ioane  4  / 28 a )      
ITRE   TUS  :
Genese  11 / 31 – 12 / 1 à  4  Akötesie  a  thinge hnaeane  koi  Aberahama , tronia celohmë    matre nöje   atraqatr  ,  nge  tronia  amanathithi    .  (2 )
Salamo  23 :  1 -  8    Joxu  la  atre  thupë  mamoeë   ni  ( Xötre   1 )
Ite  huliwa  10  /  9 – 20 :    Ame la hnei  Akötesie  hna nyidrawan , tre  the  trö    a  hape   kasis .( xötre   15  ) .  
Ioane  4 /  25  à  28 :  Föe  a  amë  pe  la   ge    (  xötre   28 )


NYINE   ATROTROHNINËNE :
Ame   la  ixelë  i Iesu  memine  la   föe  ne  Samaria ,  drei  la  hatrene  laka  ame  la ite  ithanata    memine  la  itre  atr  ka  isa  pengöne  maine  pena  itre   trehnyiwa , maine  pena   itre  atr  hne  së hna  thatre ,  celë  atre  hamë  mel  .
Maine  hnene  ju  hi   la  föe  hna  tro  thenge  la  itre hna majemine  ngöne  la  qenenöj i  nyidro  ,  tro    nyidro  a  ananyi  Iesu  ngöne  la   ijine  nyidëti a   tro  kowe la  tim .
Ngöne  la  ijine  cili  thatre      la  kepine  ,  tha  hnene  la  föe   se  Samaria  hna  metrötrën  la  itre  hna  amekötin . 
Hnene   la  föe  ne  Samaria  me  Iesu  hna  nue  la  itre  trepene  mel  hna  acil  , me  itre  aqane  ujë   hnapan  ,  matre  amamane  koi    me  acil  la itre  aqane  mel  ka  hnyipixe  .

Jëne  Iesu  nyidrë  a  sisedrëne  la  ajai  Kaka  ,  nge  föe  ne  Samaria  a  nuetrije  la  tengene  tim ,  nyine  hatrene  laka  föe  a   troa  melëne    la  mel  .
Ase    ahmaloeë   la  föe  qangöne  la  ehnef  hna  thue  e  kuhu   hnine  la  melene  la  nöj  .
Ngöne  la  Evangelia  i  Ioane  föe  la  atre  pane  cainöjëne     ka  hape   :  Iesu   la  Messia  .
Ame  la  troa  nue   la  hna majemine  ,  tre  gojenye  lai  kowe  la  atr   ka  ajane  troa  kökötr  ngöne  la  catre  ceme  inamacane  jëne  la  lapaune  .

Maine  föe  ne Samaria  a  nuetrij  la  tengene  tim  ,  kepine  laka    nyidroti  a  xötrei  kapa  la  ketre   ahnahna   atraqatr  ,  ewekë   ka  sissitria     hune  la  tim  hnei  nyidro  hna  pune  traqa   troa  tha ,
nge  hnene  la  föe  hna  trotrohnine  la    sipu  göhnë  hnine  la  lapa  kacahae  . 
Atrehmekunë    nyidro  la  tengamo  ka  sisistria  hna  nue  jëne , hnene  la  trehnyiwa  atre  Iuda  ene  Iesu   . 
Jol  koi    troa  wangatrehmekune  la  ewekë  katru  alien , tenge ihnim  memine  la  ehmitrötrene
la   ewekë  ka  trehnyiwa   qathene   la  ketre  atr .
Jëne  la  tro    a  wangatrehmekune  la  tenge ihnim  me  ehmitrötrene  la  itre  ahnahna  hna  jëne  la  itre  xane   ,  celë  hi ewekë  thatreine    tro    a  tro  tröne ,  hnine  la    cas  ka  mama  .

Itre   Hnying : 

1 .   Ame  la  troa  ixelë   me  Iesu   tre  drei  la  alien  laka  tro    a  nuetrij  la  itre  tengene  timi  së .
       Ngöne  la  isa   mele    ,  nemene  la  ite  sipu  alien ?

2 .   Nemene  la  itre   ewekë   ka   jol  ,  atre  ajolë       troa    mele  tune ? 

Thith :

Joxu   ka  ihnim 
Epi  tro  la  ixelë  i  Iesu  memine  la  föe  ne  Samaria   a  amamane  koi  hun  ,  laka  jëne  la  ixelë  memine  la ketre  atr  , maine  trehnyiwa  ,  a fe    gojenyine    koi  hun  la  ite  xa  ifego  ka  hnyipixe 
ne  la  ihnimi  gufa  . 
Xatua  hunijë  troa  goeëne   etröne  la  itre  hna  hmaca  me  kapa  la  itre   hna  iehnaeane  (defi )  ka  hnyipixe .
Xatua  hunijë   troa  elë  sasaithe  la  xou  ,  matre xötrethenge   la  aqane    ne  la  Hupuna  i  cilie .
Ngöne  la  ëjei  Iesu  Keriso  eahunia  sipone   ..

                                                                                                                  ….    Amen  ….

DRAI  HNA  TRIPIN :       MARDI  30  DECEMBRE  2014
5ème   JOUR   :      MACA     (  ITHUEMACANYE  )
TANE  LA  DRAI :    «    JOXU , PËKÖ  NYINE   THA  THEI  CILIE ,  NGE  JUI  LA  AN  »  ( JEAN  4 /  11  )  

ITE  TUS   :                                                                                                                                                                                   

Genese    46 :   1  à  7 :   Akötesie  a  ewekë  kowe   la  hni   Iakobo  , matre  tha  tro    a  xou   troa  tro   aigupito    (  3  )                        
 Salamo  133 /  1  à  3   Lolo pihë   me  sheminge  pi hë  la  kola  ce  lapap   la  angetejin ( 1)
 Ite   huliwa   2  /   1 à  11  Drai  ne  Penetekos   (  1 ) 
 Ioane   4 /   7  à  15      Joxu ,  pëkö  nyine  tha  thei  Cilie  , nge  jui   la  an (  11  ) 

Nyine  atrotrohninëne   :  

Iesu  a  aja  ixatua ,  thupene  la  hna  trongëne la  gojenye  ka  nanye ,  hna traqa  koi  nyidëti  la  kucakuca  .
Hnaipajö    nge  tru  catre  la  hedredrei  ,  nge  pëhë  tengecatre ,  nyidëti  a  mecijin  me  pi  iji ( Ioane  4  /  6 ) .
Ketre  trehnyiwa  nyidë  e  cili ,  nyidëti  a  traqa  trehnyiwa   ngöne  la  nöj ,  me  qëmeken  la  ani ne la  itete cili  ,  hna  cile  ngöne  hnene  la  föe.
Iesu  a  pi   iji  , ngo  önine  la  föe  ne  Samaria  «   Pëkö  nyine  tha   thei  cilie   »  ,  nyiddëti  a  ajane  la  ixatua  qathei angeice :  easë  asë   a  ajane  la  ixatua    .

Nyimutre  thene  la  keresiano  a  mekune  laka  atreine  angatr  troa  öhnyi  ewekë hmekuje  qëmekene  la  ite  jol  asë , matre  tha  mekune    angatr  la  ixatua  qathei  ketre me  ketre  .
Maine  easë   lapa   ngöne   la  trotrohni  ewekë  cili ,   tre  troa  nyimu  luz  koi  së ,  thatreine    la  ketre  e  eësë  troa   traqa  kowe  la  ite  ga  sihngödri  Akötesie  ,  ngacama  lapaune    a  iele 
tro  palahi      a  tha  ngöne  la  ani  ka   qeqe  ene  la  ite   ga  sihngödri  Akötesie .
Maine  eësë  hmekuje  hi ,  thatreine    troa  traqa  kow ,  qangöne  lai  ijije  tro     a  kapa  la  ixatua  ne  la  ite  tejine  me  tremune  hnine  la  melene  la    keresiano  .
Drei  hi  la  gojenye  kaijij  matre  xatua    troa  traqa kowe  la  ga  sihngödri  ne  la  Akötesi    .

E  tröne  la  Ekalesia  hne  së hna  isa   mele  hnine  ,  hetrenyi      la  mekune  ka  cas  :  ene  la
lapaune    kowe la  Akötesie  ka  sihngödr ,  ka  nyipi  sisitria  hune  la  trotrohni  ewekë  ne  la  atr .
Ame  la  thele  ewekë  ne  la  troa  acasine  la  keresiano ,  tre  matre  atrotrohninë    troa kapa  laka
thatreine    la  ketre  me  ketre  ekalesia  ,  thenge  la  lapaune  i  angeic   troa  hetrenye la  ite  tim
ne  la  gajui ne  la  sihngödri  Akötesie  . 
Eëshë  aja  tim  ,  eësa  aja  ixatua :  nyipiewekë  koi    la  tim  ,  nyipiewekë  koi    la  ixatua ,  eësë  asë  a  ajane  la  ixatua   .
Jëne  la  casi  ne  la  ka  alanyimu  , nyimutre  la  ite  tengene  tim  ,  troa  ithawakeun , ketre  nyimutre  la  ite  sine  eno  troa  iothekeun   , matre  löthe  la  ejuine  la  ani  ne  la  ga  sihngödri    Akötesie  . 
 
Itre  xa  nöj  ngöne  la  götrane  e  Bresil  a  amamai së  la  aqane  ini ,  jëne   la  wangatrehmekune  i ite  qatr  memine  la  aja  troa  thele  ewekë ne  la  nekönatr  ka pë  ethan  .
Qangöne  la  aja    troa  kapa  la  ixatua  qathei  ketre  me  ketre  ,  easë  ceitune me  ite  nekönatr  a  nue       troa   kapa  la  ini  qangöne  la  ite  ewekë ka  hnyipixe .
Drei  lai  ,  kola  fe  gojenyine  koi     la  baselaia  ne  hnengödrai  (  Mat  18  / 3  ) ,  tro    a  xötrethenge  la  tulu  Iesu  ,  troa  löjë  kowe  la  nöje  trehnyiwa  kola  hiane  la  aja  troa  ini  qangöne 
la  ewekë  ka  ketre  pengöne    . 



Hnying :  

1.      Hapeu  mekune    nyipunie  ite  hnepe  ijine  hnene  la  ekalesia  i  nyipunie  hna  ixatua
maine  hna  kapa pena   la  ixatua  qathene  la  ketre  ekalesia  .

2.  Hapeu,  jol  kowe  la  ekalesia  i  nyipunie  troa  kapa  la  ixatua   qathene  la  ketre  ekalesia  kö ?
     Nemene  la  aqane  tro    elë   sasaithe  la  ite  jol  cili  . 

Thith : 
 
Akötesieti   fe !  Qeqene   timi  ne mel  ,  atrotrohninë  hunijë  ,  troa  acasine  la  ite  sine  eno  hun ,  matre  ijije   tro  la  ite  tengene  timi  hun  a  löthe  la  ejuine  la   timi  cilie ! 
Hamë  huni     troa  atrehmekune  laka  ame  la  ite  ahnahna  hne  huni  hna  isa  hetrenye  , tre  drei  lai  hatrene  la  ga  sihngödri  cilie hne  huni  hna  tha  öhne  .
Fepi  la  ite  lue  mekene  la  ite  hni  hun  ,  troa  trotrohnine  la  sipu  nyipici  cili  .
Alapa  huni  ju  xötreithe  la  ani  cilie  , matre  tro  hunia  a iji  la  timi  atre  acasi  hun  ngöne  la  tingeting  .
Eëhunia  cengöne  sipone  ngöne  la  atesiwatine  la  hupuna  i  cilie  Iesu  Keriso  ,  lo  atre  sipone  kowe  la  föe  ne  Samaria  troa  ithue  imei  nyidëti  tim , matre  aupun  la  tenge  pi  iji  nyidë  . 
                                                                …. «   Amen   »  ….

DRAI   HNACANGÖMEN -  Mercredi  31   Décembre  2014   
6ème Jour  -  Anyipicine 
TANE   LA  DRAI   :  Iesu  a   wetë  me  hape : «  Nge  tro hë eö  a  hetrenye  qatheng   la   ani   ka  qeqe  kowe   la  mele   ka  thase  paluakö   » .
Ite   tus   :
Esodro 2 : 15-22 –   Mose   ngöne  la  ani  e  midiana  (  15 )
Salamo   91 :   Nyima  ne  la  angete  zae  fene  la  lue  iape  i  Joxu   (  4 )
1 Ioane 4 : 16 -21 :   Ngo  hna  upe  trije  la  xou  hnene  la  ihnim  ka  pexej ( 18 )
Ioane  4 : 11 – 15 «  Ani  kola  qeqe  kowe  la  mele  ka  thase paluakö  (  14  )   

Nyine atrotrohninëne
Ngöne la ithanata celë, Iesu a pane sipo tim nge thupene lai, nyidrëti pena ha sisinye  troa  hamë tim. Ngöne palahi la hna cinyihane celë, tro hmaca Iesu a sipon troa ij. « eni a pi ij », tune lo aqane  ula i nyidrë hune la satauro.                                                                                                                                     Jëne la satauro, tro ha mama thei Iesu ene lo ani hna thingehnaean kola neni qangöne la ngönetrei nyidrë  hna thin. Jëne mina fe la bapataiso,easë a kapa la tim cili, ene la mel thei Iesu, kola ujëne  the së la ketre tim, ketre mele hna ahmadradran, nyine troa hujën, me ithawakeun ceme itre xa trejin.
Drei la ketre tulu ne anyipicine jëne la ketre föe bresilienne, atre iji me kapa la timi cili nge ame hna ujëne matre  ketre ani ka qeqe :
Pengöi Romi, ëjen la föe infirmière ngöne la traone  e Campo Grande, nge hnamiatr pentecôtiste nyidro.
Ngöne la ketre quartier, e jidri ne sabath, hetre neköjajinye  kawetrewetr, caaqaihano lao macatre nyëne, angeic hmekuje hi ngöne la uma nge  hnei angeic hna hnahone  e  cili la  nekönatr  trahmanyi. Hna öhnyi angeic  e meköl   ekuhu hnadro, kola pë madran la ngönetrei.                                                          
Ame hnei Romi hna xomi nyëne    kowe la pital. Kola isa hnyigën    thele la nöje ne la lapai Semei, ëjen la neköjajiny. Öhnë   hë la keme me thine   I   angeic, ngo pëkö atre ajane e nyidro troa wai nyëne. Pëkö  göhnë  tro  Semei, me neköi   angeic   a   tro  kow.                                                                                                   Romi   a    kepe   nyidroti  ju me xomi   nyidro    kowe   la uma  i  angei,   ithatre kö Romi me semei. Ketre tha itre mejen kaloi kö göi pengöne la melen la itre kawetrewetr    e cili   e   Campo grande.                                                            
Hetrenye    palahi  la  kucakuca    thei   Semei ,   ngo jëne la ihnimi   Romi   kola  aciane   la tulu ne ikep ka sisitria, thene la  itre  sine  lapa  i  angeic.                                                                                                     Hnei   Veronika, ketre   thine    catholik, hna   thuane  la neköi   Semei , ke tha ijiji   angeic    hnene   la kucakuca.                                                                                                                                                             Hnei    Semei   hna   ati    ëjen   la  neköi   angeic : Luka    Nathanaël,    nge   hnei   nyidro   hna   canga mejë   qangöne    la  traone   cili    me    ji    lapa    ngöne    la    ketre    hnë  ne    axö   öni .
 Ngo tha hnei    Semei       hna    thëthëhmine   la    ixatua   ka tru   qathei   Romi   me    itre sine   i nyidro.
Ame    la   ani     hnei    Iesu    hna    hamëne    gufane ,     ene    lo    ani    hnei    Romi    hna    kapa   jëne  la    bapataiso   i    angeic ,    tre    hna    ujëne    matre  ketre    qeqe   ne    mel    koi   Semei    me   neköi     angeic.                                                                                                                                                                        Jëne   la     ceitune     celë ,      kola     aegöcatrene   la    itre  sinei   Romi  ,  angatr  a   kapa   la  menene  la    ani  ne  bapataiso    celë  hi    atre  ujëne  la   melei     angatr   kösë   ketre    timi   ka qeq.                                                           Nge    tro   la   timi ne   bapataiso    ka    thuthu   ngöne   la    mele       a   hatrene     ka  catre   nyine   anyipicine    hnine    la    oekumen  ,   la    ihnimi    keriso  .
E   troa   kökötre   hnine   la   ce   mele   trejine ,   loie pane amamane la itre hatrene  hnei   aqane ujë  thenge   itre   sipu  tulu   hna   pune    melën   hnei   itre   nyipi atr.                                                                                                                    Celë   hi   kola   anyipicine   la   evangelia ,    me  atrotrohninëne   la   esisitriane   la   itre   otretre   ne oekumen  .
Hnying :
1-    Hapeu    la    aqane   kapa   nyipunie   la   trengewekë    i   Iesu   ngöne    la   kola    ulatine ka  hape :   Jëne   nyidrëti , tre ijij  «    troa  ujë        kowe    la   ketre    ani   ne   mele   ka   thase   paluakö ?  »
2-    Qangöne nemen ,  tro   la   itre   Keresiano    a   timi   ka    qeqe    koi nyipunie ,   me koi   itre xane  ?
3-    Nemen la  jol   hnine   la    melene    la hnedrai    celë ,   tro   la   itre   Eglise   a   cas    me nyi hnaewekë     kösë   qeqe   ne   mel?


  Thith :
Akötresie ka köniqenön
Longëtinejë   matre    tro   hunia   xötrethenge  Iesu
Loie    tro    hunia     angetre     anyipicine   la    ihnimi    cilie
Nunuë   huni    pi, nge    tro     huni a    itre   jia   ne  isi ne  la meköti, tingeting ,   me    ithawakeun.
Epi    tro   la   ua  i cilie   a    eatrongë   huni   hnine    la   itre   trepene   huliwa   ka   ej  , matre  itre qeqe ne cas.
Epi     ujëne    pi  la   itre       uma, matre   itre     gojenye     nyine     ieakeune
Ngöne la ëje i Iesu Keriso, eahuni a ce thith koi cilie jëne   la   casi    ne   la   Uati    hmitrötr.

                                                          «   Amen   »
DRAI HNA ALUANGÖMEN  -   SABATH   4  JANVIER   2015 
 7ème   JOUR   -  ANYIPICINE
TANE LA  DRAI :    THUE  IMENG   (  Ioane  4 / 10  
ITE   TUS : 
Numera 20 / 1-13 : Angetre Isaraela  a  iwatratra ngöne la  ani  e Meriba (13 )
Salamo 119, 10-20 : Tha tro kö ni a thëthëhmine la wesiula i  Cilie ( 15)
Roma 15, 2-7 :  Ajai Akötresie  la  tro nyipunie a ce hni thenge Keriso Iesu (5)
Ioane 4, 7-15 :  Thue imeng (  10 )

NYINE  ATROTROHNINËNE

Tro la itre neköi Akötresie a atrehmekune kahape ame la itre itronyi shë me itre ithawakeun shë me itre xa trejine, ngacama isa pengöne hmi kö, tre itre xa jëne troa xatua shë troa traqa kowe la itre trepen ka juihnine ne la itre tim.  Ame la troa atre la ketre trehnyiwa, me ajan troa jöe trepe tim qangöne la ani koi angeic, tre kolo hi lai a thele la  « mingöming me lolo i Akötresie » ene la hne shë hna cainöjëne.
Ngöne la hnapapa, pëkö tim, ngo hnei Akötresieti hna upi Mose me Arona troa lep la git matre nuapi la tim qangön’ej. Qangöne lai, Akötresie a kapa la itre aja shë jëne la itre xa trejine. Ame la eëshë xëwen la Joxu, tune la föe ne Samaria a hape koi Iesus : « Joxu, thue imeng la timi Cilie », atreine tro shë qaja kahape, ma ase hë kapa la itre thithi shë, jëne la atr atre lapa eësenyi shë. Nge tro shë a xei koi nyidrë me hape : « thue imeng ».
Troa mama jëne la itre trejine ka lapa xötreithi shë, la aqane kapa hnei Akötresie la itre aja shë. Ame la itre “Guarani” itre “Amerindien qa Brésil tre tha hna isan kö ngöne la qenehlapa i angatr e troa qeje « Hmi » memine la mele i angatr ngöne la nöjei drai. Kola qeje pengöne la tulu ne mel ka loi. Nge ej a trepen ka jui ne la qenenöje i angatr, tune mina fe ngöne la hmi. Nge itre jëne lai, nyine troa akökötren la itre huhnahmi e kuhu hnine la troa mel me ujë tune la hne shë hna hape « Do Kamo » maine « Nyipi atr ». Nge angatr a amekunë shë, kahape ame ekö ngöne la qaan la hmi,tre hna hape « La Gojenyi » Itre huliwe 9/2 : Gojeny maine tulu ne mel ka loi, ame koi itre Guarani,tre celë hi aqane hamën akötresie la lolo koi shë e kuhu hnine la mele shë.
ITE  HNYING :
1. Hna akökötrene tuneka la trotrohnine i nyipunie me melën nyipunie la melen Ekalesia ngöne la troa itrony memine la itre xa ka lapaun ?
2. Ngöne la nöje hnei nyipunie hna mele ngöne, nemen la hna inin hnene la itretre lapaune ngöne inamacan  Dans la région du monde où vous vivez, que peuvent apprendre les Communautés chrétiennes de la sagesse indigène ou des autres traditions religieuses ?
THITH
Joxu fe, Cilieti la mel,
Atre thupëne aloin la itre hna xupe,
Cileti a hë huni troa huliwane la nyipici me tingeting,
Nge epi tro la tingetinge cili a ej, tha hnene la itre nyine isi huni, ngo hnene la metrötr.
Nge epi tha tro kö a trepen la trengecatr huni  hnene la ikucany, ngo epi troa’eje hnene la ihnim.
Epi tha tro kö la mani a trengamo huni, ngo epi troa eje ngöne la ithawakeun. 
Epi tha tro kö a gojenyi huni ngöne la pi mama me pi draië, ngo troa’eje ngöne la nyipici.
Epi tha tro kö  la hune huni a trepen hnei iwajahuj ngo epi troa’eje ngöne la tro huni a i qeje menukeu. 
Epi tha tro kö a eje la casi huni hnene la pi hetrenyi, ngo troa’eje hnene la aqane trofë huni la evangelia ngöne la menyik matre eje la aja i Cilieti Joxu. 
Tune la angetre madrine me mejiune, pi tro huni a isi göline la xupu’nai Cilieti, ngöne la tro huni a ithawakeune la xötrönë atre acasi hun palahi, ngöne la nyipici me tingeting.
Eëhuni a sipone  ngöne la ëjen la hupuna ene Keriso, trejine me nyihunieti, atre mec pine la pitru me imethinë ne la atr, nge atre göli huni me nue la itre ngazo huni, qa hune la satauro.
                                                                   Amen 

DRAI  HNAKÖNINGÖMEN                  SABATH  11  JANVIER   2015 
8ème   JOUR :     KOLA  ANYIPICINE  
TANE :  ALANYIMU  LA  ANGETE  LAPAUNE  KOI  NYIDË  NGÖNE  LA  TENGEWEKË  HNEI  FÖE  HNA
                       QAJA    (  IOANE   4 / 39  ) 

ITE  TUS   :   

Esodo   3 /  2   à  15 :   «   Mose  eashenyine   la  sinöe   ka  palulu  hnei     »   (   2  ) 
Salamo    30 /   1 à  13 : «   Hna  amele    hmaca  hnene la  Joxu   »     ( 4 b ) 
Roma   10 /   14  à  17 : «   Lolo  pi     la  ite  lue  ca i  angete  amamane  la  ite  macakaloi  (  15  )
Ioane    4 /   27  à  30  -  39  à  40   : «   Alanyimu  la   angete  lapaune  koi  nyidëti  ngöne  la  tengewekë   hnei  föe  hna  qaja    »  (  39  ) 

NYINE  ATROTROHNINËNE : 

Hnene  la  föe  ne Samaria , lo  hna  ujëne   ahnyipixene  la  hni ,  hna  tro  me  qaja  kowe  la  nôjei  atr
ka  hape ,  öhnë    nyidoti  la  Mesia  .
Alanyimu  catre  la  angete  lapaune  koi   Iesu   ngöne  la  tengewekë  hnei  föe  hna  qaja  (  Ioane  4 /39 .  Hetre  menen  la  aqane  anyipicine  ,  thupene  la  hnei  Iesu  hna  ujëne  la melei  nyidro .
Nge  qangöne  la  hna  kapa  la  nöjei  atr  hna  thatre , hna  mama  koi  nyidro  thene  la   ketre  tehnyiwa  la   «  ani  ka  qeqe  kowe   la  mele   ka tha  ase  palua    .  ( Ioane  4 / 14  ) . 

Nyipiewekë  catre  la  hnë  qangöne  la  mele  ne  lapaune  , ke hna  hëne  la  atr i  Keriso ( ekalesia )  troa  cainöjëne  la  atesiwati  ne  la  Joxu  hnei  «   Pape  34  François   »  hna  qaja  koi  angete  xomi 
hnëqa  ka hape  «    Mekuneju  nyipunie  laka ngöne  la  nöjei  götrane  hnei  nyipunie  hna  ajane  troa  tro  kowe  ,  hna  pai  Uati  Akötesieti  palahi   ,  nge  pi  nyipunieti  pe   »  .
Hna   hna  upe    la  trene  hnëqa  troa  thele  atr  kowe  la  huliwa  ,  pine laka  tro  la  angete  cainöjë Iesu  ngöne  la  nyipici   me   ihnim  ,  a  pane  atreine  kapa  la  ite  ini  qathene  la  kete  tejine
me  metrötrë  angeice  fe  . 
Tha  tro kö  la  hnëqa  a  musinëne  la  ani  ,  ngo  loipe   troa  atreine  iji la  timi  ka  mel  ,  ke  tha  ewekë      la  ani ,  ngo  hnë  ne  troa  thele  mel  ,  ke  celë  hi   ani  ka  mel  hna  hamë  hnnei  Keriso 

Troa  ami  tepene la  hnëqa    ngöne  la  tengewekë  me  ngöne  la  aqane anyipicine   ,  loie  troa  melëne  la  hne    hna  cainöjëne  .
Hnene   la  ketre  pisop  qa  Bresil  ka  patre    «  Helder  Camara  »  hna  atrehmekune  laka  alanyimu     la  nöjei  atr  ka thatre  akötesie  ,  ke  hna  amenu  angatre  hnene  la  thina  ne  la  ite  ka hmi , tha  hna  melëne    la  hna  cainöjëne  .
Hnene  la  föe  ne  Samaria  hna eamo kowe   la  nöjei  atr  troa  lapaune  koi  Iesu  ,  nge hna  öhne hnene  la  ite  tejine  me  nyido  ,  trahmanye  me  föe  ,  laka  nyidoti  a  cainöjëne  la  melei  nyidro
hna   ujëne  ahnyipixene  .

Maine  nyipici  la   ite  tengewekë  me  aqane anyipicine së  ,  tro  ha  drenge  hnene  la  fene   hnengödrai  ,  nge  ame  hna  lapauneju  .
«   Tro  angatr  a  lapaune  tuneka  koi  nyidë  lo  hnei angatr  hna  tha  dreng    (  Rom  10 / 14 )  

ITE  HNYING 

1 .     Hapeu  hetr  ewekë    atre  iothekeune  la  cas  memine  la  hnëqa    ?

2.     Hapeu  wangatrehmekune    nyipunie  la  angetre  anyipicine  la  cas  ,  thene  la  angete  
        lapa  easenyi  nyihunie

Thith : 

Joxu  fe  cilieti   la  ani  ka  mel 
Epi  xatua  hun  troa  anyipicine  la  casi  cilie  hnene  la  ite tengewekë  me  ngöne  la  mele   huni  .
Xatua  huni  fe  troa  trotrohnine  laka   tha ewekë  huni    la  ani  ,  hamëne  pi  koi hun  la  inamacane  matre  wangatrehmekune  la  ihnimi  gufa  i  cilie  , thene la  ketre  tejine .
Epi  ujëne ahnyippixene  la  ite hni  huni  cememine  fe  la  mel  ,  matre tro  huni  a  ite  maca    ne  la   Evangelia  ka  nyipici  . 
Xatua  huni  palahi  troa  öhnyi  cilie  thene  la  ketre  tejine  ngöne  la  nöjei  iine  hne  huni  hna  isilixelë     .
Eahunia  sipo  Enëtilai   ngöne  la  atesiwati  ne  la  Hupuna  i  cilie  ,  Iesu  Keriso  ,  me  ngöne  la  casi  ne  la  Uati  Hmitötr .

                                                          ….        «    Amen    »         …..        




                   LE TABLEAU DES MEDITATIONS DANS LA SEMAINE DE PRIERE.2014/2015

TANE KATRU
« DONNE-MOI A BOIRE -  FÖE THUEIMENG  » /   JEAN : 4  verset : 7
DRAI
RESPONSABLES
GROUPE : FAMILLE
TAN KACO
HAWA NE HMI
26/12/2014

HT LERY

TREULUE Stephan
MAHO Hnawegu - WATHE Cako
Groupe A:
HAUDRA- WATHË - MAHO  HAVILA-  WASAUMIE 
Tro huni a trongëne
e Samaria.
04h30 : Pate ne hnëkë 
05h00 : hawa ne hmi
16H30 : visite Hnaqej
27/12/2014

Da KATREIE

MOLE Wasijo - DIKO Sineiko
WAPAE Lane – W. Wapala
Groupe B :
MOLE - DIKO  - LALIE – WAPAE
Lotis. Provincial
Kucakuca ha hna tro, Iesu a lapa hune la an.   (Ioane 4/6)
04h30 : Pate ne hnëkë 
05h00 : hawa ne hmi

28/12/2014

Da PUIONO

JONE Robert- COSTE François
CAIHE Katreie
Groupe C:
HNAILOLO – JONE -  CAIHE TRUTRUNE- COSTE(WAPAE)

Pëkö föeng
( Ioane 4/17 )
04h30 : Pate ne hnëkë 
05h00 : hawa ne hmi

29/12/2O14

HT Thupako Paul

PETREISI Hnawia (gite)
IHAGE HN. Batis- SEIKO PITRA
Groupe D:
IHAGE - PETREISI - SEIKO - WAUKA – LUEPAK - ATRUA
Ame hnei föe hna ame pe la ge I nyidro.
(Ioane 4/28a)
04h30 : Pate ne hnëkë 
05h00 : hawa ne hmi

30/12/2014

Da XEKAPA

SAM Saiwene - CIWË Doudou
TREULUE Drilë
Groupe E :
WAXUIE -  SAM
TREULUE-CIWË
Joxu, pëkö nyine tha thei cilie, nge jui la an.
(Ioane 4/11)
04h30 : Pate ne hnëkë 
05h00 : hawa ne hmi

31/12/2014

HT HMANA

WAITHIKO Hnyawan
WAITRONYIE Zixaeng
TAUN Wamo - HANYË  WAACO
Groupe F:
WAITRONYIE – TAUNE-HANYIË – WAITHIKO-
Nge tro hë eö   a hetrenyi qatheng la ani ka qeqe kowe la mel ka thase palua kö
04h30 : Pate ne hnëkë 
05h00 : hawa ne hmi

04/01/2015

Da PUIONO

WANEISI Simane
HNAWIA J-Pierre
Groupe G :
WANEISI –HNAWIA-QALAJO
WAIDREMU- WAKUTRAMË
Thue imeng.
(Ioane 4/10)
04h30 : Pate ne hnëkë 
05h00 : hawa ne hmi

11/01/2O15
Da XEKAPA
Da KATREIE

Groupe H :
Itre Délégués :
-Yunian–Keresiano-Consistoire
Responsable de branche Eglise:
-MDF, MDJ, EDD-AMICAL
Alanyimu la angetre lapaune koi Nyidrë ngöne la trengewekë hnei föe hna qaja.
(Ioane 4/39)
04h30 : Pate ne hnëkë 
05h00 : hawa ne hmi



                   LES HORAIRES ET LE PROGRAMME DE FÊTES DE FIN D’ANNEES 2014/2015

 ITE HAWA
                                                      ITE HULIWA
04H30 :
PATE NE HNËKË 

05H00 :
HAWA NE HMI 

06H00 :
LE PETIT DEJ (Assuré par les jeunes) + échange et partage de la Parole

08H00 :
activités (Assuré par les jeunes)                            

11H30 :
repas (assuré par le groupe de méditation de chaque matin)

14H00 :
activités (Assuré par les jeunes)

19H00 :
repas (assuré par le groupe de méditation de chaque matin aidé par les jeunes)

20H30 :
Veillée avec la Jeunesse

22H00 :
extinction des lumières à Eika et bon dodo.


Itre keme ne la hmi ngöne la hunahmi Luecila me Hnapalu

Kola sipone kowe la itre groupe, troa kuca la xeni ne drehu me itre recettes locales ; tune minafe göi nyine ij, kaloi troa atë hune trepel la tim, makanu me lemen nge ame koi dessert, itre wene ne sinöe hmekuje hi. Tupathe jë së tro pane melëne la hna sipone hnene la ite keme ne la hmi së. Oleti
Epi tro la joxu së, a ceme së me hamëne koi së la nyipi tim ka qeqe kowe la mele së. amen.


Ht Temauriuri Lery & Dikona Hnailolo Puiono
Dikona Lalie Katreie & Dikona Waxuie Xekapa

Le comité de fête de fin d’année 2014 « hanekötramanyi me neköjajinyi »